POTE MARIÑEIRO

crtvg.es POTE MARIÑEIRO - RECEITA 1

Ingredientes: (6 persoas)

peixe sapo, 1/2 kg. Limpo
rodaballo, 1/2 kg.
mero, 1/2 kg.
gambas, 1/2 kg.
lagostinos, 6
cigalas, 6
mexillóns, 1 kg.
berberechos, 1 kg.
ameixas, 1/2 kg.
feixóns cocidos, 300 grs.
arroz, 300 grs.
cebolas, 2 ben picadas
tomates maduros, 3
allo, 6 dentes picados
aceite de oliva, 1/4 lt.
pemento doce, 1 cullerada
tabasco, unhas pingas
coñac, 1 copa
sal
pementa

Preparación:

Nunha cazola, prepárase un prebe mariñeiro. Límpase o peixe e pélanse os mariscos. Pícanse todos do mesmo tamaño. Nunha tixola cun pouco aceite, refóganse e flaméxase co coñac. 

Os mexillóns, as ameixas e os berberechos, nun cazo cunha pouquiña auga, ábrense ó vapor. Escórreselle-la auga e resérvase. Quítanselle-las cunchas destes mariscos e pásanse á auga que temos reservada.

Nun pote de barro, bótase o prebe mariñeiro, os peixes, os mariscos, os feixóns, o arroz e a auga de abri-los mariscos. Engádeselle o sal, a pementa e o tabasco. Sérvese no mesmo pote quente.


Restaurante Puesto Piloto Alcabre