LAMPREA "Ó NOSO ESTILO"

crtvg

Ingredientes: (8 persoas)

lampreas (do Miño, sobre 3 Kg.), 3
xamón do país, 250 grs.
cebola, 1
allos, 4
aceite (oliva puro), 1/4 lt.
Xerez doce, 1 copa
Xerez seco, 1 copa
viño tinto do Ribeiro, 2 copas
brandy, 1 copa
sal
arroz branco (como gornición)
rebandas de pan de molde (como gornición), 4

Preparación:

Nunha pota con auga moi quente, póñense as lampreas uns minutos. Sécanse e cun coitelo ráspaselles ben a capa xelatinosa que levan adherida á pel. Unha vez limpas, introdúcense noutra cazola e bótaselle-lo viño tinto. Inmediatamente despois, córtanse en anacos quitándolle-las cabezas, as tripas e o rabo. O sangue que se vaia desprendendo mestúrase co viño que está na cazola e cos distintos ingredientes nomeados máis arriba. Unha vez limpas e cortadas póñense a cocer uns 15 ou 20 minutos. Sérvense nunha cazola de barro. A gornición, pode ser un pouco de arroz branco e uns anacos de pan frixido.

O axeitado para este prato é un viño tinto de Amandi.

Restaurante Sanmiguel