CHULAS DE CABAZA

crtvg.es CHULAS DE CABAZA - RECEITA 1

Ingredientes: (4 persoas)

cabaza, 1 kg. de polpa
fariña, 200 grs.
azucre, 200 grs.
ovos, 6
canela
azucre "glas"
auga
sal
aceite de oliva para frixir 

Preparación:

Pélase a cabaza, córtase en anacos e cócese con auga e sal. Unha vez cocida, pásase a un escorredor e déixase secar moi ben. 

Nun recipiente fondo bátense os ovos co azucre e a fariña e engádeselle a cabaza ben escorrida. Ponse na tixola ó lume cun pouco aceite e, cando estea quente, iremos botando, cunha culler, a cabaza, de tal xeito que quede coma unha chula. Dáselle a volta e facémo-la mesma operación coas chulas que se vaian preparar.

Cando estean douradas as chulas, deixámolas escorrer ben e pasámolas a unha fonte con canela e azucre "glas" esparexido.

Restaurante Puesto Piloto Alcabre