CALDO DE FEIXÓNS VERDES CON PATACAS DE GALICIA

CRTVG.ES

CALDO DE FEIXÓNS VERDES CON PATACAS DE GALICIA - RECEITA 1

Ingredientes:

feixóns verdes, 1 kg.
patacas de Galicia, 1 kg.
cebola grande enteira, 1
aceite
pemento
allo
auga
sal
cóbado de xamón, 1

Preparación:

Nunha ola grande con auga ponse a coce-lo cóbado de xamón (previamente desalgado) e a cebola enteira. Planámo-las patacas e cortámolas en anacos pequenos ("chasqueándoas", é dicir, esgazándoas ). Limpamos e cortámo-los feixóns. 

Engadímo-las patacas á ola, agardamos a que a auga ferva outra vez e agregámoslle os feixóns verdes. Unha vez que estea cocido todo retirámolo do lume e reservamos.

Nunha tixola facemos un rustrido co aceite, o allo picado e o pemento. Engádeselle este á ola e tapamos rapidamente. Deixamos que repouse 5 minutos antes de servir.

Restaurante La Barra